- ലോകത്തിലെ ഏറ്റവും വലിയ ഹൈജാക്കിങ് ആയിരുന്നു പതിനാറാം നൂറ്റാണ്ടില് സംഭവിച്ചത്. അറേബ്യന് സ്പെയിനില് നിന്നും കൊറഡോവയില് നിന്നുമെല്ലാം വിജ്ഞാനങ്ങള് ഏറ്റെടുക്കുകയും എല്ലാത്തിന്റെ പിതൃത്വം സ്വയം അവരോധിക്കുകയും ചെയ്തു. കൊളംബസ് അമേരിക്ക കണ്ടെത്തിയ പോലെ. മുസ്ലിം ശാസത്രകാരന്മാരുടെ പേര് പോലും ആംഗലീകരിച്ചു.അങ്ങിനെയാണ് The Canon of Medicine ന്റെ രചയിതാവ് ഇബനുസീന അവിസെന്ന ആയതും Averroism എന്ന തത്വചിന്താധാരയുടെ പിതാവ് ഇബ്നു റുഷ്ദ് അവറോസ് ആയതും കെമിസട്രിയുടെ പിതാവ് ജാബിര് ബ്നു ഹയ്യാന് ഗീബറായതുമെല്ലാം. ചുരുക്കത്തില് പൌരാണികമായ ഗ്രീക്ക്-ചീന-ഭാരതീയ ശാസ്ത്രത്തെ മുഴുവന് അറബികള് സമാഹരിക്കുകയും അവയുടെ അടിസ്ഥാനത്തില് നിരീക്ഷണ ശാസ്ത്രത്തിന് അടിത്തറ പാകുകയും ഇന്നും നിലനില്കുന്ന മുഴുവന് ശാസ്ത്ര ശാഖക്കും അസ്ഥിവാരമിടുകയും ചെയ്തു. ആ സമയം യൂറോപ്പില് ഇരുണ്ടയുഗമായിരുന്നു. സഭയുടെ ആധിപത്യത്തില് ശാസ്ത്രം അടിച്ചമര്ത്തപ്പെട്ടപ്പോള് മുസ്ലിം ഭരണാധികാരികള് ശാസ്ത്രത്തെ വാനോളമുയര്ത്തുകയായിരുന്നു. ആ ഗവേഷണത്തിനുള്ള മുഖ്യ പ്രചോദനമാവട്ടെ ഇസ്ലാമും ഖുര്ആനുമായിരുന്നു. അഥവാ ആധുനിക ശാസ്ത്രം പിച്ച വെക്കുന്നതിന് അറേബ്യന് ശാസത്രത്തിന് പങ്കുണ്ടെങ്കില് അറേബ്യന് ശാസ്ത്രത്തെ പോറ്റി വളര്ത്തുന്നതില് ഖുര്ആനും ഇസ്ലാമിനും പങ്കുണ്ട്. ആധുനിക ശാസ്ത്രപുരോഗതി ചുരുക്കത്തില് ഖുര്ആനിന്റെ അവതരത്തോടെ യാരംഭിക്കുന്നു...
Hello there! If you are new here, you might want to subscribe to the RSS feed for updates on this topic, or follow us on Twitter. More Templates visit xmlbloggertemplates.com.
0Awesome Comments!